7 aydır hazırlanan plan baş tutdu - İSTANBULDA NARKOTİK ƏMƏLİYYATI
İstanbul polis idarəsinin narkotiklərə qarşı mübarizə şöbəsinin əməkdaşları şəhərin Şişli-Quştəpə səmtlərində əməliyyatlar keçiriblər.
APA TV-nin türk mətbuatına verdiyi məlumata görə, 500 polisin cəlb edildiyi əməliyyat nəticəsində 25 nəfər şübhəli şəxs qismində tutulub.
Adı çəkilən səmtlərdə əməliyyat keçirilməsinə 7 aydır hazırlıq gedir. Hədəfdə küçə satıcıları olub. Əməliyyat havadan da dəstək görüb. Narkotacirlər sığındıqları evlərin bəzilərinin qapılarını açmayıblar. Polis həmin qapıları xüsusi avadanlıqla açaraq evlərə girib. Həmin evlərdən müxtəlif narkotik maddələr aşkarlanıb.