"Fənərbaxça" və "Beşiktaş"dan heç-heçə - QOLLAR
Avropa Liqasının qrup mərhələsinin 4-cü turunda Türkiyə klubları da qalib gələ bilməyiblər.
APA TV-nin məlumatına görə, "Ayaks"ın qonağı olan "Fənərbaxça" səfərdən qolsuz heç-heçə ilə qayıdıb.
Avropa Liqasının qrup mərhələsinin 4-cü turunda "Lokomotiv"i qəbul edən "Beşiktaş" isə rəqibi ilə bərabərə qalıb - 1:1. Hesabı oyunun ikinci yarısında "Beşiktaş" açıb. Komandasını fərqləndirən futbolçu isə Quareşma olub.
Rusiya klubunun cavabı gecikməyib. 76-cı dəqiqədə Oumar Niasse bərabərlik qolunu vurub. Oyunda başqa qol olmayıb və matç bu hesabla bitib.
