Türkiyədə gəmi faciəsi: 14 ölüdən 7-si uşaqdır
Türkiyənin Çanaqqala şəhərinin Heyvacıq qəsəbəsi yaxınlığında qaçqınları daşıyan gəmi batıb.
APA TV-nin Türkiyə mətbuatına istinadən xəbərinə görə, faciədə ölənlərin sayı 14 nəfərdir. Onlardan 7-si azyaşlıdır. 27 nəfər isə dəniz polisi tərəfindən xilas edilib.
Qaçqınları daşıyan gəmi Heyvacıq sahillərindən Egey dənizinə istiqamətlənibmiş. Gəminin batma səbəbləri hələlik bəlli deyil.
Hadisə yerinə xilasedicilər cəlb olunub cəsədlərin axtarışı davam etdirilir.
