Dünyadakı nadir brilliantlardan biri - Sweet Josephine adlı qiymətli daş Christie's auksionunda fantastik məbləğə satılıb.

 

APA TV-nin rus saytlarına istinadən xəbərinə görə, adı açıqlanmayan Honkonqlu müştəri çəhrayı rəngdə olan bu brillianta 28,5 milyon ABŞ dolları ödəyib.

"Palaq brilliant" adlanan bu daşın ölçüsü 16,08 karatdır. Bu brilliant dünyada çəhrayı rəngdə olan ən böyük daşdır.

Belə brilliantlardan daha biri "Sotheby's" hərrac evində 2010-cu ildə rekord məbləğə - 46 milyon dollara satılıb. Həmin daşın ölçüsü isə 24,78 karat olub.