Dünən axşam saatlarında Bakı-Qazax-Gürcüstan sərhədi magistral yolunda sürücünün ölümü ilə nəticələnən ağır yol qəzası baş verib.

 

APA TV-nın verdiyi məlumata görə, hadisə magistral yolun 511-ci kilometrliyində, Qazax rayonunun İkinci Şıxlı kəndi ərazisində qeydə alınıb.

 

İntiqam Zeynalovun idarə etdiyi “Mercedes” markalı avtobusla Qazax rayonunun Şıxlı kənd sakini, 1972-ci il təvəllüdlü Fərman Musayevin idarə etdiyi “Opel” markalı avtomobil toqquşub. Qəza zamanı “Opel”in sürücüsü hadisə yerində ölüb. Avtobusda sərnişin olmayıb və sürücüsü xəsarət almayıb.

 

Faktla bağlı Baş Dövlət Yol Polisi İdarəsində araşdırma aparılır