Qazaxda hərəkətdə olan avtomobil yanıb. APA TV-nin qərb bürosunun xəbərinə görə, hadisə Qazağın Ürkməzli kəndində qeydə alınıb.

 

Rayonun Çaylı kənd sakini Ramin Şıxıyev "VAZ-2106" markalı avtomobili ilə kənddən qayıdarkən avtomobilin mühərriki alovlanıb. Dərhal maşını tərk edən sürücü özünü alovdan qoruya bilib.

 

Hadisə yerinə Qazax Yanğından Mühafizə Hissəsinin avtomobil və canlı qüvvəsi çağırılıb. Yanğınsöndürənlər alovu tez bir zamanda söndürərək, partlayışın qarşısını ala biliblər. Hadisənin səbəbləri araşdırılır.