Türkiyənin baş naziri Əhməd Davudoğlu yeni kabinetin tərkibini açıqlayıb.

 

APA TV-nin xəbərinə görə, 64-cü hökumətin üzvləri Prezident Rəcəb Tayyib Ərdoğanla Əhməd Davudoğlunun Prezident Sarayındakı görüşündən sonra açıqlanıb. 2 saat sürən danışıqlarından sonra Ərdoğan Davudoğlunun təklif etdiyi kabinəni təsdiqləyib.

 

Yeni hökumətin tərkibi belədir:

 

Baş nazir - Əhməd Davudoğlu

Baş nazirin müavinləri - Toğrul Türkeş, Mehmet Şimşək, Numan Kurtulmuş, Lütfü Əlvan, Yalçın Akdoğan

Xarici işlər naziri - Mövlud Çavuşoğlu

Daxili işlər naziri - Əfqan Ala

İqtisadiyyat naziri - Mustafa Elitaş

Ədliyyə naziri - Bəkir Bozdağ

Maliyyə naziri - Naci Ağbal

İnkişaf naziri - Cövdət Yılmaz

Əmək və sosial müdafiə naziri - Süleyman Soylu

Milli təhsil naziri - Nabi Avcı

Kommunikasiya, dənizçilik və rabitə naziri - Binali Yıldırım

Ailə və sosial siyasət naziri - Səma Ramazanoğlu

Avropa Birliyi naziri - Volkan Bozkır

Elm, sənaye və texnologiya naziri - Fikri İşıq

Ekologiya, şəhərsalma naziri - Fatma Güldəmir Sarı

Enerji və təbii ehtiyatlar naziri - Berat Albayrak

Qida və heyvandarlıq naziri - Faruk Çelik

Gənclər və idman naziri - Akif Çağatay Kılıç

Gömrük naziri - Bülənt Tüfəkçi

Mədəniyyət və turizm naziri - Mahir Ünal.

 

Prezident Ərdoğan 64-cü hökuməti qurmağı noyabrın 17-də AKP-nin sədri Əhməd Davudoğluna həvalə etmişdi.

 

Qeyd edək ki, hökumətdə AKP-nin hakimiyyətə gəldiyi gündən bu yana ölkə iqtisadiyyatını idarə edən Əli Babacanın olmaması diqqət çəkib. Prezident Ərdoğanın Əli Babacanın namizədliyinə qarşı çıxdığı bildirilir. Yeni enerji və təbii ehtiyatlar naziri Berat Albayrak isə Ərdoğanın kürəkənidir.