"Suriyada antiterror əməliyyatlarında iştirak edən bombardmançılarımızı bundan sonra qırıcılarımız müşayiət edəcəklər". APA TV-nin "Rossiya 24" telekanalına istinadən məlumatına görə, bu açıqlama Rusiyanın Müdafiə Nazirliyindən verilib.

"Əlavə dəstək isə "Moskva" kreyserindən veriləcək. Həmin kreyser Latakiya sahillərindədir və aviasiyanın təhlükəsizliyinə görə cavabdehdir. Hamıya xəbərdarlıq edirik, bizə qarşı yaranan təhlükə anındaca məhv ediləcək", - deyə bəyanatda qeyd edilir.

Bu arada Rusiya Türkiyə ilə bütün hərbi müqavilələri və əməkdaşlığı ləğv etdiyini bildirib.