Rusiya bu gündən Türkiyəyə sanksiyalar tətbiq etməyə başlayır.

 

APA TV-nin "Kommersant"a istinadən məlumatına görə, Rusiya Türkiyədən gətirilən bəzi ərzaq məhsullarına və digər mallara məhdudiyyətlər qoyur. Bununla bağlı türk şirkətləri ilə ticarət əlaqələri olan iş adamlarına da xəbərdarlıq edilib.

Konkret hansı mallara məhdudiyyətlər qoyulacağı açıqlanmır. Qərarla bağlı Rusiyanın bütün gömrük keçid məntəqələrində nəzarət gücləndirilib.

Türkiyə ərzaq məhsulları ilə Rusiyanın 4 faizini təmin edir. Təkcə bu ilin son 10 ayında Türkiyədən Rusiyaya 1 milyard dollar miqdarında ərzaq məhsulları - əsasən sitrus meyvələri və pomidor göndərilib.

 

Rusiyanın Kənd Təsərrüfatı Nazirliyindən bildirilib ki, bu boşluq İran, Mərakeş, İsrail və bir neçə digər ölkənin məhsulları hesabına doldurulacaq.