Gəncə şəhərində 18 nəfərin xəsarət alması ilə nəticələnən yol-nəqliyyat qəzası baş verib. APA TV-nin məlumatına görə, hadisə şəhərin Ozan küçəsində qeydə alınıb.

 

Şəhərdə 29 saylı marşrut xətti ilə sərnişin daşıyan “Mercedes” markalı mikroavtobus idarəetmədən çıxaraq divara çırpılıb. Qəza zamanı xəsarət alan 18 nəfər Gəncə şəhər Təcili Tibbi Yardım Xəstəxanasına yerləşdirilib. Xəstəxanadan bildirilib ki, yaralılardan 2 nəfərin vəziyyəti ağır, yerdə qalanları isə orta ağırdır.

 

İlkin məlumata görə, mikroavtobusun əyləc sistemi işləmədiyi üçün qəza baş verib. Faktla bağlı Gəncə şəhər Baş Polis İdarəsində araşdırma aparılır.