"Suriya kürdləri Rusiya ilə əməkdaşlıq etməyə hazırdırlar". APA TV-nin "RİA-Novosti"yə istinadən verdiyi məlumata görə, bu açıqlamanı "Demokratik İttifaq" partiyasının lideri Salih Müslim Məhəmməd verib.

"İndiki vaxta qədər bizim Suriyada Rusiya ilə əməkdaşlıq etməyə imkanımız olmayıb. Amma biz həmişə bunu arzulamışıq. Düzdür, rus hərbçiləri hələ bizim bölgəyə yaxınlaşmayıblar, onlar qərbdə əməliyyatları davam etdirirlər. Ümid edirəm ki, biz onlarla hərbi əlaqələr qurub dəstək verəcəyik", - deyə Müslim əlavə edib.