Qubada iki yeni məktəb binası istifadəyə verilib
Qubanın Hacıqayıb kəndində yeni məktəb binasının açılışı olub. İkimərtəbəli məktəb binası 360 şagird yerlikdir. Burada labaratoriya, idman zalı, kompüter otağı var. Bundan başqa təhsil müəssisəsi tədris prosesi üçün lazım olan bütün inventarlarla təmin olunub.
Qeyd edək ki, Hacıqayıb Quba rayonunun ən böyük yaşayış məntəqələrindən biridir. Kənddəki köhnə məktəb binası 1970-ci illərdə tikilib. Yeni binanın tikintisinə isə 2012-ci ilin oktyabr ayında başlanılıb.
