Gəncə şəhər sakini özünü körpüdən çaya atıb.

 

APA TV-nın yerli bürosunun məlumatına görə, 1960-cı il təvəllüdlü şəhər sakini İspəndiyar Hüseynov burunun açıq qəlpəli sınığı və ayağın əzilməsi xəsarətləri ilə Gəncə şəhər Təcili Tibbi Yardım Xəstəxanasına çatdırılıb. Ona dərhal tibbi yardım göstərilib, vəziyyəti orta-ağır qiymətləndirilir.

 

Məlumata görə, əsəb xəstəliyindən əziyyət çəkən İ.Hüseynov bu gün səhər saatlarında şəhərin Mirzə Abbas Abbaszadə küçəsində, Gəncəçayın üzərində olan körpüdən özünü atıb və xəsarət alıb.

Faktla bağlı araşdırma aparılır.