Azərbaycanla Latviya arasında əmək, məşğulluq və əhalinin sosial müdafiəsi sahəsində əməkdaşlığa dair Anlaşma Memorandumu imzalanıb.

 

APA TV-nin xəbərinə görə, sənədi Azərbaycanın əmək və əhalinin sosial müdafiəsi naziri Səlim Müslümov və Latviyanın rifah naziri Uldis Augulis imzalayıb.

 

Latviyalı nazir bildirib ki, imzalanan sənəd iki ölkə arasında əlaqələri daha da inkişaf etdirəcək. Səlim Müslümovun sözlərinə görə, imzalanan sənəd hər iki tərəf üçün olduqca əhəmiyyətlidir: "Tərəflər hansı əməkdaşlıq tədbirlərinin həyata keçirəcəyini dəqiqləşdirdi. Biz əlilliyi olan şəxslərin sərgilərinin keçirilməsini nəzərdə tuturuq. Təcrübə mübadiləsi həyata keçirəcək".