Quba rayonunda ölümlə nəticələnən yol-nəqliyyat hadisəsi baş verib.

 

APA TV-nin şimal bürosunun məlumatına görə, hadisə Bakı-Quba-Rusiya Federasiya dövlət sərhədi yolunun 164-cü km-də qeydə alınıb. Quba rayon sakini, 1990-cı il təvəllüdlü Ağarəhimov Rza Qalib oğlunun idarə etdiyi “Hyundai” markalı avtomobil yoldan çıxaraq, Samur-Abşeron kanalına düşüb. Qəza nəticəsində sürücü dünyasını dəyişib, iki nəfər sərnişin isə müxtəlif bədən xəsarətləri ilə Quba Mərkəzi Rayon Xəstəxanasına yerləşdirilib.

 

Onlar Quba rayon sakinləri – 1987-ci il təvəllüdlü Əliyev Anar Rahib oğlu və 1988-ci il təvəllüdlü Ruslan Müslümovdur.

 

Faktla bağlı araşdırma aparılır.