Ötən gün Azərbaycan çempionu "Qarabağ" UEFA Avropa Liqasının qrup mərhələsinin son turu çərçivəsində "Anderlext"lə qarşılaşıb.

 

APA TV-nin məlumatına görə, Bakıda belçikalılara qalib gələn Ağdam klubu səfərdə də eyni nəticəni göstərmək iddiasında idi.

 

Matça fəal başlayan Qurban Qurbanovun yetirmələri hesabı açan tərəf olub. Danti Kintananın 26-cı dəqiqədə vurduğu qolla "Qarabağ" hesabda irəli keçib.

 

Ancaq Dani Kintana sevinib qurtarmağa macal tapmamış belçikalılar hesabı bərabərləşdirib. Bərabərlik qolunu Eddi Najar vurub.

 

"Qarabağ" özünə gəlməmiş rəqib bir daha fərqlənib. 31-ci dəqiqədə Okkaka komandasını hesabda irəli keçirib.

 

Matçın sonrakı gedişatında dəfələrlə cəhd etməsinə baxmayaraq, "köhlən atlar" səfərdən məğlubiyyətlə dönməli olub.