Gecə saatlarında Bakıda yağan qısamüddətli, güclü yağış şəhəri iflic etdi. Yağan yağış bir sıra prospekt və küçələrdə nəqliyyatın hərəkətində problem yaratdı. Heydər Əliyev prospektində vəziyyət daha ciddi idi.

 

Hərəkətin məhdudlaşdırılması prospektdə şəhərdən Aeroport yolu istiqamətində əsas yolda yeraltı su borusunda baş verən qəza ilə əlaqədardır.

 

"Azərsu" Açıq Səhmdar Cəmiyyətinin yaydığı məlumata görə, prospektdə yağış sularını ərazidən çəkən boruda qəza yarandığı üçün tunelə su dolub. APA TV-nin məlumatına görə, bu səbəbdən prospektdə nəqliyyatın hərəkəti məhdudlaşdırılıb.

 

Yağış sözügedən ərazidən  bir qədər aralıda asfalt yola da ciddi ziyan vurub. Belə ki, yolun çökməsi nəticəsində "KamAZ" markalı avtomobil qəza törədib.