Lənkəran polisi rayon ərazisində oğurluqla məşğul olan şəxsləri ifşa edib.

 

Lənkəran Şəhər-Rayon Polis Şöbəsinin (ŞRPŞ)  baş müstəntiqi Nizami Məhərrəmovun  APA TV-nin cənub bürosuna verdiyi məlumata görə, ayrı-ayrı vətəndaşlardan polis şöbəsinə daxil olan şikayət ərizələrinə müvafiq olaraq əməliyyat-axtarış tədbirləri keçirilib.

 

Əməliyyat zamanı Lənkəran şəhər sakinləri - 28 yaşlı  Murad Rəşadət oğlu Ağayev və 17 yaşlı Taleh Heydər oğlu Bədəlov şübhəli şəxs qismində saxlanılaraq istintaqa cəlb olunublar. Araşdırmalardan həmin şəxslərin  bir sıra ticarət obyektlərindən qanunsuz yollarla müxtəlif növ noutbookları, aksessuarları oğurladıqları məlum olub. Oğurlanmış əşyaların bir qismi maddi sübut kimi götürülüb.

 

Faktla bağlı Lənkəran ŞRPŞ-də cinayət işi açılıb, araşdırma aparılır.