Türkiyənin müxalifət partiyası olan HDP-nin həmsədri Səlahəddin Dəmirtaşın bu həftə Moskvaya səfər edəcəyi gözlənilir. APA TV-nin Vesti.az-a istinadən xəbərinə görə, Rusiyanın Xarici İşlər Nazirliyindən fakt təsdiqlənib. Səlahəddin Dəmirtaşın nazir Sergey Lavrovla görüşəcəyi bildirilir.

Səfərin bu həftə baş tutacağı açıqlanıb. Dəmirtaş dekabrın 23-də Rusiyanın xarici işlər naziri ilə bir araya gələcəyini qeyd edib.

 

Görüş zamanı HDP-nin Moskva nümayəndəliyinin açılması məsələsi müzakirə ediləcək.

Türkiyənin Rusiya paytaxtındakı səfirliyindən bu haqda heç bir şərh verilməyib.

Xatıtladaq ki, HDP Türkiyənin terrorçu təşkilat elan etdiyi PKK-nı dəstələyən siyasi partiyadır.