Rusiyanın Krasnodar vilayətinin Sovet rayon məhkəməsində 2014-cü ildə “Master Pizza” kafesinin işçilərinə və müştərilərinə hücum etmiş 22 nəfərə hökm oxunub.

 

APA TV-nin “RİA Novosti”yə istinadən xəbərinə görə, bir nəfərin ölümü ilə nəticələnən hücumun təşkilatçısı Avanes Arzumanyan cəzasını ciddi rejimli koloniyada çəkməklə 13 il müddətinə azadlıqdan məhrum edilib.

 

Məlumata görə, ötən ilin mayın 11-də travmatik tapança, dəyənək, dəmir parçaları və digər əşyalarla silahlanmış bir qrup üzü maskalı şəxs Avanes Arzumanyanın rəhbərliyi ilə “Master Pizza” kafesinin işçilərinə və müştərilərinə hücum edib. Hücum zamanı 8 nəfər ağır xəsarətlər alıb, Timur Aşinov aldığı xəsarətlərdən xəstəxanada keçinib, kafenin əmlakına ciddi ziyan vurulub.

 

Dəstənin qalan üzvləri 8 aydan 4 ilədək müddətə azadlıqdan məhrum ediliblər. Hücumda iştirak edən daha 4 nəfər barəsində federal axtarış elan edilib.