Pentaqon: Rusiya ilə hərbi əməkdaşlığımız mümkün deyil
Rəsmi Moskva Bəşər Əsədlə bağlı mövqeyini dəyişməsə, Pentaqon Rusiya ilə əməkdaşlıq etməyəcək.
APA TV-nin Rusiya mətbuatına istinadən məlumatına görə, bunu Pentaqonun rəsmi nümayəndəsi Mişel Baldansa bəyan edib.
“Bizim mövqeyimiz dəyişməz olaraq qalır. Hələ ki Moskva diqqətini İŞİD-lə mübarizəyə cəmləşdirmək əvəzinə Bəşər Əsədə dəstək göstərir, hər hansı bir əməkdaşlıqdan söz gedə bilməz”, - deyə Mişel Baldansa bildirib.
Qeyd edək ki, dekabrın 25-də Rusiya Baş Qərargahının Operativ İdarəsinin rəisi Sergey Rudskoy bəyan etmişdi ki, Moskva Suriyada terrorçuların obyektlərinə dair məlumatları bölüşməyə hazırdır və rəsmi Vaşinqtondan eyni hərəkəti gözləyir.
