Nəsimi rayonu, Azadlıq prospektində ağır yol qəzası baş verib. APA TV-nin məlumatına görə, prospektdə hərəkət edən "VAZ 2109" markalı "10 GK 028" dövlət nömrə nişanlı avtomobil yol kənarındakı ağaca çırpılıb. Nəticədə avtomaşını idarə edən sürücü hadisə yerində ölüb. Avtomaşında olan iki sərnişin isə ağır şəkildə yaralanıb. Yaralılar 1 saylı Şəhər Kliniki Xəstəxanasına aparılıb. Ölən sürücü deformasiya uğrayan maşında sıxışdığından hadisə yerinə Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları cəlb olunub.  Meyit maşından çıxarılıb.

 

Nəsimi Rayon Polis İdarəsindən APA TV-yə verilən məlumata görə, ölən və yaralananların kimliyini hələlik müəyyən etmək mümkün olmayıb. Faktla bağlı araşdırma aparılır.