"Charlie Hebdo" jurnalına hücumun ildönümündə Fransanın paytaxtı Parisdə daha bir terrora cəhd olunub.

 

APA TV-nin məlumatına görə, əlində kiçik çanta olan terrorçu Parisin 18-ci bölgəsindəki polis idarəsinə girərək təkbir gətirib.

 

Polis terrorçuya dərhal müdaxilə edib. Vurulan terrorçunun üzərində kəmərlə bərkidilmiş partlayıcının saxta olduğu üzə çıxıb. 20 yaşlı terrorçunun üstündən tapılan məktubda İŞİD-in həyata keçiriləcək hücuma görə məsuliyyəti öz üzərinə götürməsi ilə bağlı xüsusi qeydlər aşkarlanıb.

 

Hadisədən sonra Parisdə yenidən polis postları qurulub. Paytaxtda təhlükəsizlik ən yüksək səviyyəyə çatdırılıb.

 

 Qeyd edək ki, polis idarəsinə hücumdan bir neçə saat öncə Fransa prezidenti Fransua Olland "Charlie Hebdo" hücumunun ildönümü ilə bağlı etdiyi çıxışında Fransanın bundan sonra terrorla mübarizəni ən yüksək səviyyəyə çatdıracağını bildirib.