Türkiyədə PKK terror təşkilatına qarşı əməliyyatlar davam edir.

 

APA TV-nin məlumatına görə, ötən gün hüquq-mühafizə orqanlarına Van vilayətində Erdemit yolunun kənarındakı evə bir qrup terrorçunun yığışması barədə məlumat daxil olub. Dərhal həmin ünvanda əməliyyat keçirilib.

 

Atışma vaxtı 1 polis şəhid olub, daha 2 əməkdaş isə güllə yarası ilə xəstəxanaya aparılıb. Evə yığışan terrorçuların 12-si də öldürülərək zərərsizləşdirilib.

 

Diyarbəkirin Sur qəsəbəsində PKK terrorçularına qarşı keçirilmiş əməliyyat zamanı isə 1 əsgər və 1 polis şəhid olub, 3 əsgər isə yaralanıb.

 

Hazırda bölgədə PKK terroristlərinə qarşı əməliyyat davam edir.