İstanbulun Sultanəhməd meydanında terror aktı törədən şəxsin kimliyi məlum olub. Hadisəni törədən Nabil Fadlı 1988-ci ildə Səudiyyə Ərəbistanında doğulub, Suriya vətəndaşıdır. Onun İŞİD terror təşkilatının  üzvü olduğu bildirilir. İstanbula yanvarın 5-də qaçqın kimi qeydiyyata düşən Nabil Fadlıdan barmaq izləri götürülüb və onun axtarışda olan terrorçular siyahısında olmayıb. Terrorçunun kimliyi barmaq izinin uyğunlaşdırılmasından sonra müəyyənləşib.

 

Hadisə zamanı terrorçu da daxil olmaqla 11 əcnəbi turist ölüb, 11 nəfəri əcnəbi olmaqla 14 nəfər yaralanıb. Yaralılar xəstəxanaya çatdırılıb.