Balaxanıda maskalılar təqaüdçü prokurorun evinə basqın etdilər
Bakıda yaşayış evinə basqın olub. APA TV-nin məlumatına görə, hadisə Balaxanı qəsəbəsində qeydə alınıb.
Qəsəbə sakini, 74 yaşlı Vaqif Musayevin yaşadığı evə girən 3 maskalı şəxs onun və həyat yoldaşı, 68 yaşlı Nəcibə Musayevanın əl-qolunu və ağızlarını yapışqan lentlə bağlayaraq mənzildən 650 manat, 300 dollar və 5000 manat dəyərində zinət əşyalarını da götürərək qaçıb.
Faktla bağlı Sabunçu rayon Polis İdarəsi tərəfindən əməliyyat tədbirləri davam etdirilir.
Qeyd edək ki, Vaqif Musayevin əvvəllər prokurorluq orqanlarında çalışdığı deyilir.
