Yasamal Rayon Polis İdarəsi əməkdaşları tərəfindən həyata keçirilən əməliyyat tədbirləri nəticəsində narkotik vasitələrin qanunsuz dövriyyəsi ilə məşğul olan Bakı şəhər sakini, əvvəllər dəfələrlə məhkum edilmiş Denis Sterikov saxlanılıb.

 

APA TV-nin məlumatına görə, onun üzərindən satış məqsədilə ələ etdiyi 510 qram heroin aşkar edilərək götürülüb.

 

Denis Sterikov, saxlanılan şəxs: "Yolda gedirdim, qabağıma mal çıxdı. Lider TV-nin qabağında satmaq istəyirdim, tutdular".

 

Faktla bağlı saxlanılan şəxs barəsində Cinayət Məcəlləsinin müvafiq maddəsi ilə cinayət işləri başlanılıb. Narkotik vasitələrin qanunsuz alqı-satqısına aidiyyəti olan digər şəxslərin də müəyyənləşdirilərək məsuliyyətə cəlb olunması istiqamətində zəruri istintaq və əməliyyat-axtarış tədbirləri davam etdirilir.