İsveçdə orta məktəb binasının həyətinə bomba atılıb. APA TV-nin "SVT"yə istinadən verdiyi məlumata görə, Karlstad şəhərindəki Tingvalla məktəb-liseyinin həyətində baş verən partlayışdan sonra hadisə yerinə çoxlu sayda polis əməkdaşları, yanğınsöndürənlər və təcili yardım əməkdaşları gəliblər.

Partlayışdan sonra məktəbdə olan şagird və müəllimlər dərhal evakuasiya ediliblər. Məlumata görə, hadisə nəticəsində ölən və yaralanan olmayıb. Eyni zamanda güclü partlayış nəticəsində məktəb binasına da zərər dəyməyib. İsveç polisindən verilən məlumatda deyilir ki, məktəbə əldəqayırma bomba atıblar. Məktəbin çevrəsində polis postları qurulub. Hücumçuların axtarışı üçün əməliyyat keçirilib.