Bakı-Şamaxı yolunda ağır yol qəzası baş verib. Baş Dövlət Yol Polisi İdarəsindən APA TV-yə verilən məlumata görə, hadisə bu gün səhər saatlarında qeydə alınıb. İki “Jiquli” markalı avtomobilin toqquşması nəticəsində iki nəfər ölüb. Ölənlərin adları dəqiqləşdirilir.

Qəza nəticəsində həmçinin bir ailənin dörd üzvü – 36 yaşlı Eldəniz Behbudov, onun həyat yoldaşı, 30 yaşlı Pərvanə Behbudova, onların övladları - 10 yaşlı Kənan və 13 yaşlı Tərgül ağır vəziyyətdə xəstəxanaya yerləşdirilib.

Faktla bağlı cinayət işi başlanıb, araşdırma aparılır.