Bakıda həbsxanada ölüm hadisəsi baş verib. Hadisə Nizami rayonu ərazisində yerləşən 6 saylı cəzaçəkmə müəssisəsində qeydə alınıb.

 

Məhkum, 25 yaşlı İbrahimov Nurani Fuad oğlu dünyasını dəyişib. Məlumatı APA TV-yə onun dayısı Əli Məmmədov verib. O, bildirib ki, hadisə ötən gecə baş verib və bir qədər əvvəl meyit Nizami Rayon Məhkəmə Tibbi Ekspertiza və Patoloji Anatomiya Birliyindən ailəsinə təhvil verilib. Bakının Hövsan qəsəbəsində yaşayan Nurani İbrahimov bu gün dəfn ediləcək.

 

Nurani İbrahimov 2011-ci ildə Cinayət Məcəlləsinin 126-cı (Qəsdən sağlamlığa ağır zərər vurma) maddəsi ilə təqsirli bilinib və 7 il müddətinə azadlıqdan məhrum edilib.

 

Ədliyyə Nazirliyi Penitensiar Xidmətindən APA TV-yə bildirilib ki, faktla bağlı rəsmi açıqlama bu gün veriləcək.