Meksikanın mərkəzi əyalətlərindən birində dəhşətli qəza baş verib. APA TV-nin Rusiya mətbuatına istinadən xəbərinə görə, 10 avtomobilin toqquşması nəticəsində 20 nəfər ölüb, 40 nəfər xəsarət alıb.

Zəncirvarı qəza sərnişin avtobusu ilə yük maşının toqquşması səbəbindən baş verib. Yük maşının sürücüsünün az miqdarda alkoqol qəbul etdiyi məlum olub.

Bundan sonra isə daha bir neçə nəqliyyat vasitəsi bir-birinə çırpılıb və partlayış baş verib. Sərnişin avtobusu, yük maşını və bir neçə başqa avtomobil yanıb.

Hadisə yerinə xilasedicilər cəlb olunublar.