Gəncədə piyadanın vurulması ilə nəticələnən yol qəzası baş verib. APA TV-nin qərb bürosunun verdiyi məlumata görə, hadisə şəhərin Gülüstan qəsəbəsində, Gəncə-Göygöl avtomobil yolunda qeydə alınıb.

Hərəkətdə olan “VAZ-2107” markalı avtomobil yolu keçmək istəyən 1992-ci təvəllüdlü Rəcəbli Tural Yaşar oğlunu vurub. Yaralı dərhal Gəncə şəhər Təcili Tibbi Yardım xəstəxanasına yerləşdirilib. Açıq kəllə-beyin travması, hər iki aşağı ətraf sümüklərinin sınığı xəsarəti alan Tural Rəcəbli reanimasiya şöbəsinə yerləşdirilib. Dərhal əməliyyat olunan yaralını xilas etmək mümkün olmayıb.

 

Faktla bağlı hüquq-mühafizə orqanları tərəfindən araşdırma aparılır.