Türkiyənin Sur qəsəbəsində PKK terror təşkilatının üzvü olan 3 terrorçu təslim olub.

 

APA TV-nin Türkiyə mətbuatına istinadən xəbərinə görə, döyüş və təslim olma anı hərbçilərin kamerasında anbaan qeydə alınıb.

 

Türkiyə hərbçiləri təslim olan terrorçulara "gənclər, dövlətin təhlükəsizliyi altındasınız. Bizə əmanətsiniz. Sizə kimsə zərər verməyəcək", - deyə bildirirlər.

 

Terrorçular isə təslim olma səbəblərini belə açıqlayır: "İnsanları pis vəziyyətdə qoyduq, peşman olduq, dövlətə təslim olmağa qərar verdik".

 

Eyni zamanda videodan terrorçuların tarixi binalara vurduğu zərəri aydın görmək olur.