UEFA Avropa Liqasının 1/8 final mərhələsinin püşkatması keçirilib. APA TV-nin məlumatına görə, püşkatmada maraqlı və gərgin görüşlərin baş tutacağını indidən demək olar.

Belə ki, bu mərhələdə iki ingilis və iki ispan komandası bir-biri ilə qarşılaşacaqlar. "Liverpul" əzəli rəqibi "Mançester Yunayted", "Atletik" isə "Valensiya" ilə görüşəcək.

 

Digər qaşılaşmalarda "Şaxtyor Donetsk" - "Anderlext", "Bazel" - "Sevilya", "Villareal" - "Bayer Leverkuzen", "Sparta Praqa" - "Latsio", "Borussia Dortmund" - "Tottenhem" üz-üzə gələcəklər.

Türkiyənin "Fənərbaxça" klubu isə Portuqaliyanın "Braqa" komandasını ilk oyunda İstanbulda qəbul edəcək.

 

Xatırladaq ki, ilk oyunlar martın 10, cavab matçları isə martın 17-də baş tutacaq.