Bakıda ağır qəza: maşının şüşəsindən çıxan qadın sürücü divara çırpıldı
Bakıda zəncirvari yol qəzası baş verib, üç avtomobl toqquşub. APA TV-nin məlumatına görə, hadisə Səbail rayonu ərazisində, Teymur Elçin küçəsində qeydə alınıb. İlkin ehtimala görə, qəzaya Əsgərova Ləman Mahmud qızının idarə etdiyi “Kia” markalı avtomobil səbəb olub. Qadın sürücünün idarə etdiyi avtomobil
“Azneft dairəsi” istiqamətində yüksək sürətlə hərəkətdə olarkən edərkən qarşıdan gələn “Pejo” markalı avtomobilə, o isə “Toyota” markalı başqa maşına çırpılıb.
Zərbənin təsirindən Ləman Əsgərova avtomobilin alın şüşəsindən çıxaraq yol kənarındakı divara çırpılıb. Avtomobildəki sərnişin də xəsarət alıb. Əraziyə təcili tibbi yardım briqadası çağırılıb. Qadın sürücü və yaralı sərnişin 1 saylı Şəhər Kliniki Xəstəxanasına çatdırılıb.
Faktla bağlı araşdırma aparılır.
