Ağdamda qətl hadisəsi baş verib. APA TV-nin Qarabağ bürosunun xəbərinə görə, rayonun məcburi köçkünlər məskunlaşan Təzəkənd qəsəbəsində ad günü məclisi qanla bitib.

 

Rəqs etmək üçün mübahisə edən əmi və qardaşoğlunun davası zəminində 1986-cı il təvəllüdlü Cabir Məhəmməd oğlu Fərəcov 46 yaşlı əmisi Seymur Fərəc oğlu Fərəcovu bıçaqlayıb. Yaralı Ağdam Mərkəzi Rayon Xəstəxanasına çatdırılsa da, həkimlər onun həyatını xilas edə bilməyiblər.

 

Cabir Fərəcov əmisini bıçaqladıqdan sonra qaçmağa cəhd etsə də, hüquq-mühafizə orqanlarının əməkdaşları onu yaxalayaraq istintaqa cəlb ediblər.

 

Faktla bağlı Ağdam Rayon Prokurorluğunda cinayət işi başlanıb.