İraqın şimal hissəsində Türkiyəyə məxsus helikopterin vurulduğu barədə xəbər yayılıb. APA TV-nin  məlumatına görə, bu barədə informasiyanı “E-Kurd Daily” kürd nəşri yayıb.

 

Kürd silahlı dəstələrinin nümayəndələrinin iddiasına görə, İraq Kürdüstanında türk hərbi helikopteri vurulub.

 

Helikopterin terrorçuların mövqelərinə zərbələr endirərkən vurulduğu qeyd olunur. Hadisənin Türkiyə sərhədi yaxınlığında baş verdiyi bildirilir.

 

Digər iddiaya görə, hadisə zamanı altı hərbi qulluqçu həlak olub. Yazıda rəsmi Ankaranın bu barədə açıqlama vermədiyi qeyd olunur. Rusiya mətbuatı isə bu xəbərə daha geniş yer verib. Hələlik məlumat təsdiqini tapmayıb.