Zaqatalada 57 yaşlı qadın intihara cəhd edib. Zaqatala  Mərkəzi Rayon Xəstəxanasından APA TV-yə verilən məlumata görə, rayonun Əlibayramlı kənd sakini, 1956-cı il təvəllüdlü Gülbahar Camal qızı Əliyeva bu gün səhər saatlarından qarın boşluğunun kəsilmiş-deşilmiş yarası ilə xəstəxanaya daxil olub.

 

Yaralı dərhal əməliyyata götürülüb və vəziyyəti ağır qiymətləndirilir. Xəstəxanadan həmçinin bildirilib ki, G. Əliyeva özü özünə bıçaqla xəsarət yetirib.

 

Zaqatala rayon Prokurorluğundan verilən məlumata görə, Gülbahar Əliyeva son illər əsəb xəstəliyindən əziyyət çəkib.

 

Faktla bağlı Zaqatala Rayon Prokurorluğu tərəfindən araşdırma aparılır.