İmişlidə 2 nəfərin ölümü, 2 nəfərin yaralanması ilə nəticələnən yol-nəqliyyat hadisəsi baş verib. Rayon Polis Şöbəsindən APA TV-yə verilən məlumata görə, qəza İmişli-Bəhrəmtəpə avtomobil yolunun 3-cü kilometrliyində, rayonun Göbəktala kəndi ərazisində qeydə alınıb. Məhəmməd Bəylər oğlu Həsənov idarə etdiyi  “Kia”  markalı minik maşını ilə Bəhrəmtəpə istiqamətində hərəkətdə olarkən qəfildən idarəetməni itirib. Qəza zamanı avtomobil  çevrilib. Hadisə nəticəsində avtomobildə olan sərnişinlər Elvin Natiq oğlu Əhmədov və Azad Mirələm oğlu Məmmədov hadisə yerində ölüblər. Sürücü və digər sərnişin Elməddin Əhmədov isə  ağır bədən xəsarətləri ilə Mərkəzi Rayon Xəstəxanasına yerləşdirilib. Faktla bağlı araşdırma aparılır.