Tovuzda qətl hadisəsi törədilib. APA TV-nin qərb bürosunun verdiyi məlumata görə, hadisə rayonun Aşağı Quşçu kəndində qeydə alınıb.

 

Ötən gecə saat 4:00 radələrində kənd sakini, 1956-cı il təvəllüdlü Qulu Hümbət oğlu Alıməmmədov bıçaqlanaraq qətlə yetirilib. Məlumata görə, Qulu Alıməmmədov şəxsi mikroavtobusu ilə Tovuz-Gəncə marşrutu üzrə sərnişin daşıyırmış.

 

Hüquq-mühafizə orqanlarından bildirilib ki, qətlin kim tərəfindən törədildiyi məlumdur. Hazırda cinayəti törədən şəxsin saxlanılması istiqamətində əməliyyat tədbirləri həyata keçirilir.

 

Faktla bağlı Tovuz rayon Prokurorluğunda araşdırma aparılır.