Rusiya Federal Təhlükəsizlik Xidmətinin əməkdaşları Orlov vilayətində neft məhsullarının oğurlanması faktının üstünün açıblar. APA TV-nin məlumatına görə, aparılan əməliyyat tədbirləri nəticəsində neft kəmərindən dizel yanacağı oğurlayan Azərbaycan vətəndaşı həbs olunub. Onun neft kəmərinə deşmə yolu ilə əlavə xətt caladığı və xətti yaxınlıqdakı meşə massivinə qədər uzatdığı müəyyənləşib. Xüsusi texniki komissiyanın hesablamalarına görə, soydaşımız bir il ərzində bu üsulla 72 min ton dizel yanacağı oğurlayıb. Cinayətin digər iştirakçıları müəyyənləşdirilir, operativ-axtarış tədbirlərinin nəticələri cinayət işi başlamaq üçün Daxili İşlər Nazirliyinin Orlov vilayət idarəsinə göndərilib.