Azərbaycan gömrükçüləri külli miqdarda narkotik vasitə aşkarlayıblar.

 

Dövlət Gömrük Komitəsindən APA TV-yə verilən məlumata görə, İrandan Ukraynaya yük daşıyan 90 VV 438/99 ZC 154 nömrə nişanlı yük avtomobili əməliyyat məlumatı əsasında Azərbaycan ərazisində Xaçmaz Gömrük İdarəsinin əməkdaşları tərəfindən saxlanılıb.

 

Azərbaycan vətəndaşının idarə etdiyi yük avtomobilinə baxış zamanı gömrükçülər 450 kiloqram narkotik vasitə olan heroin aşkarlayıblar. Narkotik vasitə yük maşınının içində olan 18 ton kişmişin içinə qablaşdırılıb.

 

Faktla bağlı araşdırmalar davam etdirilir.