Brüssel aeroportunda bir-birinin ardınca törədilən iki partlayışın təfərrüatları məlum olub.

 

APA TV-nin Rusiya mətbuatına istinadən xəbərinə görə, baş verən hadisə nəticəsində ilkin məlumatlara əsasən 17 nəfər ölüb, 30 nəfər yaralanıb.

 

Eyni zamanda ölkənin hava nəqliyyatının da fəaliyyətini dayandırdığı bildirilib.

 

Hazırda xilasedicilərin köməyi ilə sərnişinlərin evakuasiyası həyata keçirilir.

 

Partlayışın təsirindən terminal binasının bir hissəsi dağılıb, ərazini qara tüstü qatı bürüyüb.

 

Hadisə rayonuna onlarla təcili yardım və polis avtomobili cəlb olunub.