Brüsselin Molenbek rayonunda keçirilən antiterror əməliyyatları başa çatıb. APA TV-nin "Euronews"a istinadən xəbərinə görə, keçirilmiş əməliyyatlar zamanı Paris terrorunun təşkilində əsas fiqur hesab edilən Saleh Abdeslam da daxil olmaqla, Parisdə terror aktlarının təşkilində şübhəli bilinən 5 nəfər həbs edilib.

Bu arada Fransa prezidenti Fransua Olland Saleh Abdeslamın Fransaya ekstradisiyası üçün tezliklə Belçika hökumətinə müraciət ediləcəyini bəyan edib.

Qeyd edək ki, daha öncə Paris terrorunun istintaqı çərçivəsində keçirilən 100-dən çox reyd zamanı ümumilikdə 58 nəfər həbs olunub.