Brüsseldəki terror aktları nəticəsində 300-ə yaxın adam yaralanıb. APA TV-nin məlumatına görə, bu barədə Belçika Səhiyyə Nazirliyi yayıb.

 

Məlumatda deyilir ki, partlayışlar zamanı 31 nəfər ölüb, 300-ə yaxın adam yaralanıb. 150-yə yaxın yaralı hələ də xəstəxanadadır.

 

Onlardan 61 nəfər intensiv terapiya şöbələrində müalicə olunur.

 

Partlayışlar nəticəsində 40-dan çox fərqli millətin nümayəndəsi yaralanıb.

 

Martın 22-də Brüsseldə üç partlayış baş verib. Partlayışlardan ikisi hava limanında, biri isə metroda törədilib. Terror aktına görə məsuliyyəti “İraq Şam İslam Dövləti” (İŞİD) terror təşkilatı üzərinə götürüb.