Haaqa Beynəlxalq Cinayət Məhkəməsi "Bosniya qəssabı" kimi tanınan sabiq serb lideri Radovan Karadjiçə hökm oxuyub. APA TV-nin məlumatına görə, hakimlər onu 40 il azadlıqdan məhrum edib. R. Karadjiç Srebrenitsada 8 min müsəlmanın soyqırımını törətməkdə ittiham edilir. O, elan olunan 11 ittihamdan 10-nu qəbul edib.

Qeyd edək ki, o, 92-98 illəri arasında 100 min insanın ölümünə, 4 milyon bosniyalının evsiz qalmasına səbəb olan müharibə zamanı insanlığa qarşı cinayət və soyqırımında günahlandırılırdı.

70 yaşlı keçmiş lider 2008-ci ildə Belqradda yaxalanıb məhkəmə qarşısına çıxarılmışdı.