Yazıçı Əkrəm Əylisli bu gün səhər saatlarında Heydər Əliyev adına Hava Limanında saxlanılıb.

 

APA TV-nin Lent.az-ın məlumatına görə, o, Venesiyada keçirilən kitab festivalına getmək istəyirmiş. Yazıçı saat 5:19-da 613 saylı reyslə Frankfurta uçmalı imiş. 

 

Ə. Əylislinin həyat yoldaşı Qalina Əylisli bildirib ki, yazıçının ölkədən çıxışına qadağa qoyulub. Amma bu qadağanın nə ilə bağlı olduğu açıqlanmayıb.

 

Q.Əylisinin dediyinə görə, Ə. Əylisli böyük oğlu İlyas Əylisli ilə birgə Nəqliyyatda Baş polis İdarəsinin hava limanındakı bölməsində saxlanılır. Saat 9:00-dan bölmədə olan yazıçı və oğlu hələ də oradan buraxılmayıblar.