Gəncə-Daşkəsən yolunun 8-ci kilometrliyində, Göygöl rayonu ərazisində ağır yol-nəqliyyat hadisəsi baş verib. Mehdi Abdullayevin idarə etdiyi “Mersedes” markalı betonqarışdıran avtomobillə Gəncə istiqamətində hərəkətdə olan Akif Rüstəmovun idarə etdiyi “Qazel” markalı kiçik sərnişin avtobusu toqquşub. Hadisə nəticəsində “Qazel”in sürücüsü, 57 yaşlı Akif Rüstəmov və sərnişinlər - 13 yaşlı Fariz Həsənov, 33 yaşlı Könül Həsənova, 60 yaşlı Güləndam Rüstəmova və 60 yaşlı Rəzgül İsmayılova müxtəlif bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Həkimlərin müdaxiləsinə baxmayaraq, Sürücü Akif Rüstəmovun həyatını xilas etmək mümkün olmayıb. Hadisənin “Mersedes” markalı betonqarışdıran avtomobvilin sürücüsünün ötmə əməliyyatına düzgün riayət etməməsi nəticəsində baş verdiyi etimal edilir. APA TV-nin xəbərinə görə, toqquşma nəticəsində hər iki avtomobilə ciddi ziyan dəyib.

 

Faktla bağlı Göygöl rayon polis şöbəsində araşdırma aparılır.