Sabirabad sakini ailə münaqişəsi zəminində öz evini yandırıb. APA TV-nin Mil-Muğan bürosunun məlumatına görə, hadisə ötən gün axşam saatlarında Sabirabad rayonunun Qalağayın kəndində qeydə alınıb.

 

1975-ci il təvəllüdlü kənd sakini Elçın Əliş oğlu Abbasov keçmiş həyat yoldaşının adına olan yaşadığı evə benzin tökərək yandırıb. Fövqəladə Hallar Nazirliyinin Sabirabad Yanğından Mühafizə Hissəsi əməkdaşlarının yanğının baş vermə anında hadisə yerində olması yanğının genişlənməsinin qarşısını alıb. 61 kvadratmetrlik 2 mərtəbəli evin birinci mərtəbəsində qəsdən törədilən yanğın bir neçə kvadratmetri əhatə edib.

 

Hadisəyə ev sahibinin həyat yoldaşı ilə boşanması səbəb olub. Faktla bağlı Sabirabad polis şöbəsində tədqiqat aparılır.