Bakıda əcnəbi qadın intihar edib. APA TV-nin məlumatına görə, hadisə Badamdar yolu-121 ünvanında yerləşən üçmərtəbəli villada qeydə alınıb.

 

Orada kirayədə yaşayan, Cənubi Afrika Respublikasının (CAR) vətəndaşı, 1978-ci il təvəllüdlü Remadje Moarom Nikole evin pilləkən qəfəsindən özünü asıb. İki övlad anası olan qadının özünə qəsd etməsinin səbəbləri hələlik məlum deyil.

 

Səbail Rayon Polis İdarəsindən APA TV-yə bildirilib ki, intihar edən qadının əri Azərbaycanda fəaliyyət göstərən özəl neft şirkətlərinin birində məsul vəzifədə çalışır.

 

Faktla bağlı Səbail rayon Prokurorluğu tərəfindən cinayət işi başlanıb, araşdırma aparılır.